នៅថ្ងៃទី ១៩ ខែ ធ្នូ ឆ្នាំ ២០១៥ នៅខេត្តកែបបានបង្កើតព្រឹតិ្តការណ៍កែបសំអាតកែប។
ជារៀងរាល់ឆ្នាំខេត្តកែបបានបង្កើតព្រឹតិ្តការណ៍កែបសំអាតកែប ដោយមានការចូលរួមពីបវរកញ្ញាជប៉ុនតាំងពីឆ្នាំ២០១៣
រហូតមកដល់ឆ្នាំ២០១៥ នេះ ហើយឆ្នាំនេះគឹជាលើកទី៣ ហើយ ដែលបវរកញ្ញាជប៉ុនមកជួយសំអាតខេត្តកែប។
ការបង្កើតព្រឹតិ្តការណ៍នេះឡើងក្នុងគោលបំណងចង់ឱ្យខេត្តកែបមានភាពស្រស់បំព្រង គ្មានសំរាម
ហើយមួយវិញទៀតគឹចង់ដាស់ស្មារតីដល់ប្រជាពលរដ្ឋខ្មែរយើងនៅទូទាំងប្រទេសឱ្យស្រលាញ់នូវភាពស្អាត
បរិស្ថានល្អ អនាម័យ និងទីក្រុងគ្មានសម្រាម។
បើតាមសំដីរបស់លោក កែវ សត្ថា ដែលអភិបាលខេត្តកែបបានឱ្យដឹងថា
ខេត្តកែបគឹជាខេត្តមួយដែលមានសក្ដានុពលខាងវិស័យទេសចរណ៍ ហើយភ្ញៀវទេសចរណ៍ដែលមកលេងខេត្តកែបពីមួយទៅមួយឆ្នាំគឺមានរីកចម្រើនឥតឈប់ឈរ
ដោយសារខេត្ដកែបមានភាពស្រស់ស្អាតមានដូចជាធម្មជាតិ ខ្យល់អាកាសបរិសុទ្ធ និង មានភាពស្រស់ស្អាតគ្រប់រដូវកាល។
ហេតុដូច្នេះហើយដើម្បីឱ្យខេត្តកែបរបស់យើងកាន់តែមានភ្ញៀវមកទេសនាឱ្យកាន់តែច្រើន គឹពួកយើងទាំងអស់គ្នាជួយសំអាត
បរិស្ថាន និង ទីក្រុងកែបរបស់យើងឱ្យកាន់តែរីកលូតលាស់រហូត។
បន្ទាប់ពីបានជួយសំអាតទីក្រុងកែបរួចរាល់ បវរកញ្ញាជប៉ុនទាំងអស់សំដែងនូវសេចក្ដីសប្បាយរីករាយ
ហើយក៏បានសំដែងឈុតឆាកខ្លីៗជូនបងប្អូនទស្សនា និងបានអរគុណចំពោះការចូលរួមសកម្មភាពសំអាតទាំងមន្រ្ដីរាជការ
និងបងប្អូនប្រជាពលរដ្ឋទាំងអស់គ្នា។
