ក្រុមហ៊ុន CMIC ធ្វើបទបង្ហាញដល់និស្សិតនៅក្នុងសាលាបច្ចេកទេស ដុន បូស្កូ កែប

នៅវេលាម៉ោង២ រសៀលក្រុមហ៊ុនCMICបានមកធ្វើការបង្ហាញដល់និស្សិតឆ្នាំទី២ នៃសាលាបច្ចេកទេសដុន បូស្កូ ខេត្តកែប អំពីទីតាំង និងតួនាទីការងារនៅក្នុងក្រុមហ៊ុនផ្ទាល់។ កម្មវិធីនេះមានការចូលរួមពីលោក Chankkiee Soithong មានតួនាទីជា ប្រធានមន្ដ្រីហិរញ្ញវត្ថុ ហើយជាអ្នកគ្រប់គ្រងធំនៅក្នុងក្រុមហ៊ុន លោក Salit Achaariyaboon Yonng មានតួនាទីជាអ្នកគ្រប់គ្រងលើការបណ្ដុះបណ្ដាល និង កញ្ញា កែវ រ៉ាឌី មានតួនាទីជានាយកធនធានមនុស្ស ព្រមទាំងមានការចូលរួមពីបុគ្គលិកដែលមានតួនាទីផ្សេងៗទៀតផងដែរ។

កម្មវិធីនេះធ្វើឡើងក្នុងគោលបំណងដើម្បីឲ្យនិស្សិតនៅក្នុងសាលា ដុន បូស្កូ ខេត្ដកែបទាំងអស់​​បានមានឪកាសទទួលបានការងារ និងចំណេះដឹងជាច្រើនដែលទាក់ទងនឹងក្រុមហ៊ុនCMICផ្ទាល់។​ ក្នុងកម្មវិធីនោះផងដែរលោក Chankkiee Soithong ក៏បាននិយាយស្វាគមន៍ដល់និស្សិតទាំងអស់នៅក្នុងសាលាបច្ចេកទេស ដុន បូស្កូ ខេត្ដកែប ហើយព្រមទាំងបុគ្គលិកនៃក្រុមហ៊ុនបានធ្វើការចែករំលែកនូវបទពិសោធន៍ និងចំណេះដឹងជាច្រើនដែលពាក់ពន្ធទៅនឹងក្រុមហ៊ុនទាំងមូលដល់និស្សិតទាំងអស់ឲ្យបានយល់ច្បាស់ និងមានភាពងាយស្រួលនៅក្នុងការស្វែងរកការងាររបស់ក្រុមហ៊ុនCMIC។ ជាជាងនេះទៅទៀតកញ្ញា កែវ រ៉ាឌី ក៏ប្រាប់អំពីតួនាទី និងមុខដំណែងនៅក្នុងក្រុមហ៊ុនCMIC ដែលមានចំនួន ៧ មុខតំណាងធំៗ។

ជាចុងបញ្ហប់កញ្ញា កែវ រ៉ាឌី ក៏បានផ្ដល់ឪកាសដល់និស្សិតធ្វើសាកសួរអំពីបញ្ហាផ្សេងៗជាច្រើនដែលទាក់ទងនឹងក្រុមហ៊ុនផ្ទាល់ ហើយកញ្ញាក៏បានធ្វើការបកស្រាយនូវសំណួរដែលនិស្សិតចោទសួរផងដែរ។ បន្ថែមពីនេះទៅទៀតក្រុមហ៊ុនក៏បានឲ្យនិស្សិតធ្វើបំពេញនូវទំរងសម្រាប់ដាក់ពាក្យសុំបម្រើការងារនៅក្នុងក្រុមហ៊ុន CMIC ផងដែរ។